BIOLOGIYA FANIDAN TADQIQOT UCHUN FOYDALANILGAN TEST TOPSHIRIQLARI MAZMUNINI STATISTIK TAHLIL ASOSIDA O‘RGANISH
BOYXONOV ISLOMJON ABDUQAXXOR O‘G‘LI va boshqalar , Axborotnoma, 4-17, (2024), №3, 28.11.2024

Qisqacha mazmuni. Ushbu maqolada test topshiriqlari mazmunini 9-sinflar uchun biologiya fanidan tadqiqot uchun o‘tkazilgan test sinovlari natijalarining statistik tahlillari asosida xulosalarga tayanib yaxshilash imkoniyatlari keltirilgan.

FRANSUZ TILI FANIDAN O‘QIB TUSHUNISH KO‘NIKMASINI BAHOLOVCHI YOPIQ TEST TOPSHIRIQLARINING O‘ZIGA XOS XUSUSIYATLARI
TANGRIYEVA LOBAR NASRIDDINOVNA , Axborotnoma, 18-22, (2024), №3, 28.11.2024

Qisqacha mazmuni. Ushbu maqolada oliy ta’lim muassasalari bakalavriat bosqichi kirish test sinovlarida fransuz tili fanidan abituriyentlarning o‘qib tushunish ko‘nikmasini baholovchi yopiq test topshiriqlarining o‘ziga xos xususiyatlari haqida so‘z yuritiladi

FIZIKA FANIDAN MUQOBIL JAVOBLI TEST TOPSHIRIQLARI DISTRAKTORLARINING TAHLILI
Amonov Qobil Ashrafovich va boshqalar , Axborotnoma, 23-48, (2024), №3, 28.11.2024

Qisqacha mazmuni. Muqobil javobli test topshiriqlari sinaluvchilarning ta’lim tayyorgarlik darajasini aniqlashda muhim baholash vositalaridan biri hisoblanadi. Test topshiriqlarini shakllantirishda samarali distraktorlarni tanlash test yaratishning muhim shartlaridan biridir. Ushbu maqolada fizika fanidan o‘tkazilgan test sinovlarida foydalanilgan variantdagi 38 ta muqobil javobli test topshiriqlarining distraktorlari 152 ta distraktori va 10 ta qisqa javobli test topshirig‘iga berilgan javoblari tahlil qilingan. Test sinovi natijalari R dasturida foydalanilgan dexter to‘plami yordamida tahlil qilindi. Test topshiriqlarining distraktorlari sinaluvchilarning to‘g‘ri javoblarni tanlashlarida ularga kuchli yoki kuchsiz ta’sir qilishi aniqlandi.

HUQUQSHUNOSLIK FANIDAN O‘TKAZILGAN TEST SINOVI NATIJALARINI TAQQOSLASH
NORMURODOV ASROR BAZAROVICH va boshqalar , Axborotnoma, 49-96, (2024), №3, 28.11.2024

Qisqacha mazmuni. Ushbu maqolada huquqshunoslik (uzbek (lotin, kirill alifbosida) va rus tili guruhlari uchun) fanidan 2023-2024 va 2024-2025 - o‘quv yillarida bakalavriatga kirish test sinovlari natijalarining klassik test nazariyasi va Rash modeli bilan olingan statistik ko‘rsatkichlari taqqoslangan. Bu o‘quv yillarida o‘tkazilgan bakalavriatga kirish test sinovlarida foydalanilgan test varianlarining o‘rtacha qiyinlik darajalari, test topshiriqlarining qiyinlik darajalari, sinaluvchilarning qobiliyat darajalari, o‘rtacha qiymat, mediana, moda hamda o‘lchashning standart xatoligi haqida xulosalar keltirilgan. Test topshiriqlarining qiyinlik darajalari va qobiliyat darajalarini o‘zaro mosligini ko‘rsatuvchi Rayt xaritasi va test ma’lumoti chiziqlari o‘rganilgan. Huquqshunoslik fanidan 2023-2024 va 2024-2025 - o‘quv yillarida bakalavriatga kirish test sinovlarida parallel test varianlaridan foydalanganligi va ikkita o‘quv yilda ham sinaluvchilarning o‘zlashtirishlari deyarli o‘zgarmaganligi ko‘rsatilgan.