FIZIKA FANIDAN O‘TKAZILGAN TEST SINOVI NATIJALARI: RAYT XARITASI, ICHKI VA TASHQI MOSLIK STATISTIKALARI, RASH MODELI BILAN MOSLIK
Ermamatov Mirshod Djumakulovich va boshqalar , Axborotnoma, 4-62, (2023), №1, 29.03.2023

Qisqacha mazmuni. Rash modeli ehtimollarga asoslangan model bo‘lib qobiliyat darajasi va test topshiriqlari qiyinlik darajalarining o‘zaro ta‘sirini tavsiflaydi. Rash modeli o‘lchov jarayonlarini paralellashtiradi. Bu qobiliyat va test topshiriqlari qiyinlik darajalarini chiziqli o‘lchash orqali amalga oshiriladi. Bunda bir o‘lchovli konstruktlar uchun tuzilgan test tophiriqlarining qiyinlik darajalari tanlanma guruhlarga va qobiliyat darajalari test variantiga bog‘liq bo‘lmasligi ta‘minlanadi. Test topshiriqlari xususiyatlarini modelga moslashtirish muammoli elementlarni va o‘ziga xos xususiyatlarga ega bo‘lgan qobiliyatlarni ajratish imkonini beradi. Guruhga bog‘liq bo‘lmagan test topshiriqlari qiyinlik darajalaridan foydalanish test variantlarini bog‘lash va sinaluvchilar bilimlarini ob‘yektiv baholash imkonini beradi. Ushbu maqolada milliy sertifikat uchun fizika fanidan o‘tkazilgan test sinovlari natijalarining Rash modeli doirasida ikki xil usul bilan olingan Rayt xaritasi hamda ichki va tashqi moslik statistikalari hamda Rash modeli bilan moslik tahlili keltiriladi.

UMUMIY O‘RTA TA’LIM MAKTABLARINING 9–SINF BITIRUVCHILARI UCHUN BIOLOGIYA FANIDAN BILIMLARNI BAHOLASHDA STANDART TESTLARDAN FOYDALANISH
NORMURODOV ASROR BAZAROVICH va boshqalar , Axborotnoma, 63-78, (2023), №1, 29.03.2023

Qisqacha mazmuni. Ushbu maqolada ta’lim jarayonida standart testlardan foydalanish orqali turli xil test topshiruvchilar guruhlarining natijalarini solishtirish, o‘quvchilarning o'quv dasturini qanday darajada o'zlashtirishini va pedagoglar, ta’lim muassalari samaradorligini baholash o‘rganilgan. Turli xil guruhlarning qobiliyat darajalari va turli xil test varianlaridagi test topshiriqlarining qiyinlik darajalarini bir xil shkalada bo‘lishini ta‘minlash muhimligi test sinovi natijalarini Rash modeli bilan tahlil qilish orqali o‘rganilgan.

INGLIZ TILI BO‘YICHA KO‘P DARAJALI TEST TIZIMI TAHLILI
Abbosov Avazbek Abdulhamid o'g'li , Axborotnoma, 79-96, (2023), №1, 29.03.2023

Qisqacha mazmuni. Ko‘p darajali ingliz tilini bilish imtihoni test topshiruvchining ingliz tilini bilish darajasini turli darajalarda baholaydigan testdir. Ushbu turdagi testlar tobora ommalashib bormoqda, chunki u imtihon topshiruvchining til ko'nikmalarini yanada chuqurroq tushunish imkonini beradi. Ushbu maqolada ko'p darajali ingliz tilini bilish testining afzalliklari va qiyinchiliklari haqida ma'lumot berilgan hamda Bilimni baholash agentligi tomonidan o‘tkaziladigan ko‘p darajali test tizimining dastlabki natijalari tahlili keltirilgan. Test natijalar ko‘nikmalar kesimida, klassik va zamonaviy test nazariyalari asosida tahlil qilingan.