DISTRAKTORLAR TAHLILI: BIOLOGIYA FANIDAN O‘TKAZILGAN TEST SINOVI NATIJALARI
Ermamatov Mirshod Djumakulovich va boshqalar , Axborotnoma, 4-19, (2023), №2, 06.07.2023

Qisqacha mazmuni. Amaliyotda qisqa javobli, uch va to‘rt muqobil javobli test topshiriqlaridan foydalanish ommalashgan. Ushbu maqolada biologiya fanidan aprobatsiya test sinovlarida foydalanilgan variantdagi 38 ta muqobil javobli test topshiriqlarining 152 ta distraktori va 10 ta qisqa javobli test topshirig‘iga javoblar tahlil qilingan. Hisoblashlarda R dasturida ishlatiladigan dexter to‘plamidan foydalanildi.

Ijtimoiy-kognitiv struktura amaliyotda: O‘qish ko‘nikmasi konstruktini aniqlashda kognitiv qayta ishlash modeli
Abbosov Avazbek Abdulhamid o'g'li , Axborotnoma, 20-34, (2023), №2, 06.07.2023

Qisqacha mazmuni. Ushbu maqola til testlarini validatsiya qilishning ijtimoiy-kognitiv strukturasini qo‘llash yoritilgan. Ijtimoiy-kognitiv struktura birinchi marta 2005-yilda Kiril Veyr tomonidan ishlab chiqilgan va shundan buyon u turli testlar va imtihonlarni validatsiya qilish uchun qo‘llanilmoqda. Maqolada o‘qish konstruktini aniqlashda kognitiv qayta ishlash yondashuvi, Xalifa va Veyr tomonidan taklif qilingan model muhokama qilinadi. Shuningdek, maqolada Bilim va malakalarni baholash agentligi tomonidan o‘tkaziladigan ko‘p darajali o‘qish testida yuqoridagi modeldan foydalanishning qisqacha tavsifi berilgan.

Matematika fanidan milliy sertifikat uchun oʻtkazilgan test sinovlari natijalari tahlili
Sattiyev Abdulaziz Rasuljonovich va boshqalar , Axborotnoma, 35-55, (2023), №2, 06.07.2023

Qisqacha mazmuni. Ushbu maqolada respublika boʻyicha matematika fanidan 2022-yilning dekabr oyida va 2023-yilning fevral oyida Milliy sertifikat uchun oʻtkazilgan test sinovlari natijalari klassik test nazariyasi va Rash modeli asosida tahlil qilingan. Har ikkala variantdan olingan natijalarning tavsif statistikasi va alohida test topshiriqlariga berilgan javoblarning umumiy ball bilan korellyatsiyasi muhokama qilindi. Ikkita test sinovida ishlatilgan variantlardagi test topshiriqlarining qiyinlik darajasi klassik test nazariyasi va Rash modeli bilan tahlil qilindi. Rash modeli bilan aniqlangan qobiliyat va qiyinlik darajalaridan foydalanib ikkala variant uchun Rayt xaritasi chizilgan va u bilan qobiliyat va qiyinlik darajalari mosligi muhokama qilingan. Olingan element va test xarakteristikasi hamda element va test ma’lumoti chiziqlari asosidagi muhokamalar keltirilgan. Olingan natijalar asosida shkalalash va kalibrovkalash bo‘yicha tavsiyalar berilgan.

RAYT XARITASI, ICHKI VA TASHQI MOSLIK STATISTIKALARI: BIOLOGIYA FANIDAN O‘TKAZILGAN TEST SINOVI NATIJALARI
NORMURODOV ASROR BAZAROVICH va boshqalar , Axborotnoma, 56-83, (2023), №2, 06.07.2023

Qisqacha mazmuni. Ushbu maqolada biologiya fanidan umumiy o‘rta taʼlim maktablarining 9-sinf bitiruvchi o‘quvchilaridan ilmiy tadqiqot uchun olingan test sinovi natijalari Rash modeli asosida tahlili qilindi. Rayt xaritasi, ichki (infit) va tashqi (outfit) moslik statistikalari o‘rganildi. Test topshiriqlarining qiyinlik darajalari va qobiliyat darajalarining o‘zaro mosligini Rayt xaritasi bilan tahlil qilish va mo‘ljallangan guruh uchun test topshiriqlarini tanlash mumkinligi ko‘rsatildi. Test topshiriqlarining va sinaluvchilar qobiliyat darajalarining ichki (infit) va tashqi (outfit) mosligi tahlil qilindi. Statistik tahlillar Rash modeli test variantlarini shakllantirish, standartlik va xavfsizlikni ta’minlash, kalibrovka-langan test topshiriqlari bazasini yaratish va qobiliyatlarni obyektiv baholash uchun muhim ekanligini ko‘rsatdi.

BLUM TAKSONOMIYASI ASOSIDA FIZIKADAN TEST TOPSHIRIQLARINI SHAKLLANTIRISH.
Amonov Qobil Ashrafovich va boshqalar , Axborotnoma, 84-96, (2023), №2, 06.07.2023

Qisqacha mazmuni. Ushbu maqolada maktab bitiruvchilarining fizika fanidan bilimlarini baholashda yaratiladigan test topshiriqlarining mazmun va mohiyatida Blum taksonomiyasining ahamiyati tahlil qilingan.